خوێندکارانی سێ زانکۆی کوردستان بەهۆی خراپی ئابورییەوە بایکۆتیان راگەیاند

SNN

بەهۆی خراپی گوزەرانیان و قەیرانی ئابورییەوە خوێنکارانی زانکی هەڵەبجە و چەرموو و زانکۆی راپەڕین بایکۆتیان راگەیاند، دەڵێن “دۆخەکە بەمجۆرە بێت تاکو دوای جەژن دەوام ناکەین”.

ئەمڕۆ، شەممە 23ی ئازار، دەستەی نوێنەرایەتی خوێندکارانی زانکۆی هەڵەبجە لە راگەیەندراوێکدا ئاشکرایانکرد، بەهۆی خراپی بارودۆخی ئابووری، بە دەنگی زۆرینەی خوێندکاران بڕیاریانداوە تاوەکو 1ی نیسان بایکۆتی خوێندن بکەن، ئەگەر بارودۆخی ئابووری بەمجۆرە بەردەوام بێت، تاوەکو دوای جەژنی رەمەزان بایکۆت بەردەوامدەبێت.

هەرمان كامیل، وتەبێژی نوێنەرانی زانكۆی چەرموو رایگەیاند، لە سۆنگەی هەستكردنمان بە بەرپرسیارێتی بۆ هاوڕێ و خوێندكارەكانمان، بڕیارماندا بە بایکۆتکردنی خوێندن تاوەکو دوای جەژنی رەمەزان.

هاوکات، لە راپەڕین خوێندکارانی زانکۆی راپەڕین و کەمپسی قەڵادزێ بڕیاری بایکۆتیان داوە و دەڵێن: لەم دۆخەی ئێستادا ناتوانن دەوام بکەن.