ژمارەی کوژراوانی هێرشەکەی مۆسکۆ بۆ 115 کەس بەرزبووەوە
هێرشەکانی مۆسکۆ
SNN
ژمارەی کوژراوانی ھێرشەکەی ناو ھۆڵی بۆنەکان لە کۆمەڵگەی کرۆکۆسی بازرگانی کە بە کرۆکۆس سیتی ھۆڵ ناسراوە لە مۆسکۆ، بۆ 115 کوژراو بەرزبووەتەوە.
کۆشکی سەرۆکایەتی کرملین دەستگیرکردنی 11 تۆمەتباری ھێرشەکەی راگەیاند، لەناویاندا ئەو چوار کەسەی ھێرشەکەیان ئەنجامدا، لەکاتێکدا رێکخراوی داعش کە بەرپرسیارێتی ئەنجامدانی ھێرشەکەی گرتە ئەستۆ دەڵێت ھێرشبەرەکان بە سەلامەتی گەڕاونەتەوە شوێنەکانیان.
ئەمەش لە کاتێکدایە، شەوی ڕابردوو هێرشێکی چەکداری بۆ سەر هۆڵێکی بۆنەکان لە مۆسکۆی پایتەختی ڕووسیا ئەنجامدرا، بەهۆیەوە زیاتر لە 60 کەس کوژران و 115 کەسیش برینداربوون، دواتریش گرووپی تیرۆریستی داعش بەرپرسیارێتی ئەنجامدانی ھێرشەکەی گرتە ئەستۆ.
