“سودانی وتی مووچەی مانگی سێ دەنێرین”
فوئاد حسێن، وهزیرى دهرهوهى عێراق | فۆتۆ: Mazin Mahdi / AFP
SNN
فوئاد حسێن، وەزیری دەرەوەی عێراق لە لێدوانێکدا بە میدیا عێراقییەکانی راگەیاند، محەمەد شیاع سودانی سەرۆکوەزیرانی عێراق وتی “مووچەی مانگی سێ دەنێرین”.
ئاماژەی بەوەشکرد، حکومەتی عێراقی داوایی تەواوی لیستی ناوی مووچەخۆرانی هەرێمیان کردووە، وا دیارە تا ئێستا ئەو کێشەیە چارەسەر نەبووە و پێدەچێت لە دوو رۆژی داهاتوودا چارەسەربێت.
سەبارەت بە قبوڵکردنی “هەژماری من” لەلایەن حکومەتی عێراقییەوە، فوئاد حسێن ئاماژەی بەوەکرد، لەکاتی ئێستادا شاندێکی حکومەتی هەرێم لە بەغدان بۆ گفتووگۆکردن لە بارەی میکانزمەکانی هەژماری منەوە لەگەڵ حکومەتی عێراقی.
ئەم قسانەی فوئاد حسێن، لەکاتێکدایە کە فەرمانبەرانی هەرێم نزیکەی دوو مانگە مووچەیان وەرنەگرتووە و ئەو 618 ملیارەی کە حکومەتی عێراقی لە هەفتەی رابردوودا ناردوویەتی بۆ هەرێم لەلایەن حکومەتەوە دەستی بەسەرداگیراوە بە بیانووی ئەوەی کە بەغدا تەواوی پارەی نەناردووە چاوەڕوان سەرجەم داهاتی مووچەخۆران بنێرن ئەوسا دەست بکەن بە دابەشکردنی مووچە.
