سەرۆکی حکومەتی هەرێم چەند بڕیارێکی دەرکرد

SNN

مەسرور بارزانی سەرۆکی حکومەتی هەرێمی کوردستان دوای کۆبوونەوەی ئەمڕۆی ئەنجوومەنی وەزیران، رایگەیاند، بڕیارماندا بە دابەشکردنی مووچەی مانگی دوو، لەگەڵ ئامادەکاری تەواو بۆ مووچەی مانگی سێ و مانگەکانی داهاتووش.

سەرۆکی حکومەت وتیشی “حکومەتی عێراقیش دەخەینە بەر پرسێکی ئەخلاقی کە دەبێت پابەندی ئەو بەڵێنانەبن بۆ دابەشکردنی مووچەی مووچەخۆرانی هەرێم کە پێشتر داویانە، چونکە ئەوەی لەسەر شانی ئێمە بووە ئەنجامانداوە”.

وتیشی، “بەهۆی ئەم بارە قورسەی دارایی کە لەسەر هاووڵاتیان هەیە بڕیارماندا بەوەی کە وەزارەتی شارەوانی و گەشتوگوزار، دەستبکات بە دابەشکردنی زەوی بەسەر سەرجەم فەرمانبەرانی حکومەت کە تا ئیستا سودمەند نەبوون لە زەوی، لەگەڵ داشکاندنی لە %20ی کارەبا و ئاو و سزای هاتووچۆ، لەگەڵ داشکاندین لە هێنانی گۆشت بە رێژەی لە ٪20 لە خاڵە سنوورییەکان، داشکاندن لە کرێی خوێندنی خوێندنی پارارێڵ بە رێژەی لە ٪20”.

سەرۆکی حکومەتی هەرێم ئاماژەی بەوەشکرد، ئەوەی لەسەر شانی ئێمەیە بە زیادەوە ئەنجامانداوە و ئەوەی کە دەمێنێتەوە لەسەر شانی لایەنی دووەمە بۆ جێبەجێکردنی.