نرخی زێڕ بەرزترین ئاستی لە مێژوودا تۆمارکرد

ئەمڕۆ دووشەممە، نرخی ئۆنسەیەک زێڕ لە بازاڕەکانی جیهاندا گەیشتە دوو هەزار و 265 دۆلار کە ئەوە بە درێژایی مێژوو ئەمە یەکەمجارە نرخی زێڕ بۆ ئەو ئاستە بەرزبێتەوە.

هۆکاری سەرەکی بەرزبوونەوەی نرخی زێڕ بۆ دابەزینی بەهای دۆلار دەگەڕێتەوە، بە تایبەتیش دوای ئەو لێدوانانەی بانکی فیدراڵی ئەمریکا کە ئاماژەیان دەدا بەوەی پلانیان بۆ بەرزکردنەوەی ڕێژەی سوود نییە.

هەرکاتێک بانکی فیدراڵی ئەمریکا ڕێژەی سوود بەرز بکاتەوە، کاریگەریی ڕاستەوخۆ لەسەر بەهێزبوونی بەهای دۆلار و دابەزینی ئەو دراو و کانزایانە دروست دەکات کە لە بەرامبەر دۆلاردا مامەڵەیان پێوە دەکرێت.

نرخی زێر لە بازاڕەکانی هەرێم:

عەیارە 18 به 401 هەزار دینار

عەیارە 21 به 467 هەزار دینار

عەیارە 22 به 486 هەزار دینار

عەیارە 24 به 532 هەزار دینار