جەمال کۆچەر”ئەمساڵ کورتهێنانی بودجە لە عێراق دەگاتە 84 ترلیۆن”

SNN

ئەندامێکی لیژنەی دارایی ئەنجومەنی نوێنەران ئاشکرای دەکات کە کورتهێنانی بودجەی ئەمساڵ بە بەراورد لەگەڵ ساڵی ڕابردوودا 20 ترلیۆن دینار زیاترە.

ئەمڕۆ دووشەممە، جەمال کۆچەر، ئەندامی لیژنەی دارایی ئەنجومەنی نوێنەران لە لێدوانێکیدا بۆ ڕۆژنامەی سەباح ڕایگەیاند، بودجەی ئەمساڵ دەگاتە 228 ترلیۆن دینار و کورتهێنانیش بە 84 ترلیۆن دینار مەزەندە کراوە.

ئاماژەشیدا بەوەی نزیکەی نیوەی بودجەکە بۆ مووچە دەڕوات و ڕایگەیاند، بە پێی لێدوانی وەزیری پلاندانان، 102 ترلیۆن دیناری بودجەکە بۆ مووچە تەرخان دەکرێت، ئەوەش بڕێکی زۆر گەورەیە.

جەمال کۆچەر ئەوەشی خستەڕوو کە ساڵی ڕابردوو کورتهێنانی بودجە 64 ترلیۆن دینار بووە، بەڵام لەمساڵدا کورتهێنانەکە 20 ترلیۆن دینار زیادی کردووە.

سەرباری جەختکردنەوەی لایەنەکان لە هەموارکردنی یاسای سێ ساڵییەکەی بودجە، بەڵام تا ئێستا حکومەتی عێراق بودجە هەموارکراوەکەی ڕەوانەی ئەنجومەنی نوێنەران نەکردووە.