چیتر کار بە “پێناسی باری شارستانی و ڕەگەزنامەی” عێراقی عێراقی ناکەین

SNN

ئەمڕۆ سێشەممە، بەڕێوەبەرایەتی پاسپۆرتی سلێمانی لە راگەیەندراوێکدا ئاماژە بەوە دەکات، چیتر کار بە بەڵگەنامەکانی “پێناسی باری شارستانی و ڕەگەزنامەی” عێراقی ناکرێ بۆ ڕاییکردنی کاروبارەکانی مامەڵەی پاسپۆرت لەسەرجەم بەڕێوبەرایەتییەکان و نوسینگەکانی دەرکردنی مامەڵەی پاسپۆرت لە عێراق و هەرێمی کوردستان.

پاسپۆرتی سلێمانی ئاماژە بەوەشدەکات، لەسەر داوای وەزیری ناوخۆی عێراق لەلایەن بەڕێوەبەری گشتی ڕەگەزنامەو پاسپۆرت و نیشنگەی بەغداوە و بە نوسراوێکی فەرمی کە وێنەیەکی ئاڕاستەی بەڕێوبەرایەتیمان کراوە، پێیان ڕاگەیاندین کە پێویستە لەمەودوا کارکردن بە هەر یەک لە بەڵگەنامەکانی “ڕەگەزنامەو پێناسی باری شارستانی” عێراقی ڕابگیرێ بۆ جێ بەجێ کردنی سەرجەم مامەڵەکانی پاسپۆرت پاڵپشت بە بە بەکارهێنانی بەڵگەنامەی “کارتی نیشتمانی” وەک بەڵگەیەکی فەرمی بۆ ئەم مەبەستە، لەسەرجەم بەڕێوبەرایەتی یەکان و نوسینگەکانی دەرکردنی مامەڵەی پاسپۆرت لە عیراق و هەرێمی کوردستان.