وەزارەتی دارایی عێراق 352 ملیار دینار بۆ مووچەی هێزەئەمنییەکان دەنێرێت

SNN-عەلی حەمە سەعید
لەسەر داوای سەرۆكوەزیرانی عێراق وەزارەتی دارایی عێراق ڕەزامەندی دەربڕی بە ناردنی بڕی 352 ملیار دینار بۆ مووچەی مانگی شوباتی ئەو فەرمانبەر و هێزە ئەمنییانەی كە پارەكانیان ڕەوانە نەكرابوو، هاوكات لەماوەی 24 كاتژمیری داهاتوودا ئەو بڕە پارەیە دەخریتە سەر ژمارە حسابی بانكی هەرێم.

بەگوێرەی زانیارییەكانی SNN ئەمڕۆ لەسەر داوای سەرۆكوەزیرانی عێراق وەزارەتی دارایی عێراق ڕەزامەندی دەربڕیوە بە ناردنی بڕی 352 ملیار دینار وەك پارەی ماوەی مانگی شوبات بۆ ئەو فەرمانبەر و هیزە ئەمنیانەی كە تا ئیستا پارەكانیان ڕەوانەی هەریم نەكرابوو.

ئاماژەی بەوەشكرد، پارەكە لە لقی هەولێری بانكی ناوەندی عێراق بوونی هەیە، تەنها ئەوەی دەوێت فەرمان بە و بانكە بكریت كە بڕی 352 ملیار دینار بخاتە سەر ژمارە حسابی بانكی هەرێم و پاشان ڕادەستی وەزارەتی دارایی هەرێم بكرێت.

هەر لە زانیارییەكانی SNNئەوەشهاتووە كە ئەو ڕێوشوێنە ئیدارییانە كە پێویستن بۆ خستنەسەری ئەو بڕە پارەیە بۆ سەر ژمارە حسابی بانكی هەرێم بەدوو ڕیگە دەكرێت یان بەشێوەی دەستی واژۆی وەزیری دارایی عێراق دەكرێت یاخود هەر لە ڕێگەی ئەلیكترۆنییەوە فەرمان بە لقی هەولێری بانكی ناوەندی دەكرێت ئەو بڕە پارەیە ڕادەستی هەولێر بكات، بەڵام لەهەموو حاڵەتەكاندا لەماوەی 24 كاتژمێری داهاتوودا ئەو 352 ملیارە دەخرێتە سەر ژمارە حسابی بانكی هەرێم.