سەرۆکایەتی ھەرێمی کوردستان جەخت لە ئەنجامدانی ھەڵبژاردن دەکاتەوە

SNN

سەرۆکایەتی ھەرێمی کوردستان جەخت لە ئەنجامدانی ھەڵبژاردن دەکاتەوە و دەڵێت، ئەو پرسە ناوخۆییە و ھەرێم خۆی بڕیار لەسەر کات و میکانیزمەکەی دەدات.

دڵشاد شەھاب، وتەبێژی سەرۆکایەتی ھەرێمی کوردستان رایگەیاند، ھەڵبژاردنی پەرلەمانی کوردستان بابەتێکی ناوخۆییە و دامەزراوە فیدڕالیەکان رۆڵیان ھەیە لە پاڵپشتیکردنی کۆمیسیۆنی ھەڵبژاردنی عێراق و رێکارەکانی ھەڵبژاردن.

دەشڵێت، سەرجەم لایەنەکانی عێراق پاڵپشتی ھەڵبژاردنی پەرلەمانی کوردستان دەکەن بەڵام میکانیزمی بەڕێوەچوون و کاتەکەی تەنیا ھەرێم دیاری دەکات و گفتوگۆ بۆ چارەسەرکردنی ئەو بابەتە لەگەڵ لایەنەکانی ھەرێمی کوردستان پێویستە بکرێت بۆ دۆزینەوەی چارەسەری گونجاو لەو بارەیەوە.

دڵشاد شەھاب وتیشی، ئامانجی ھاوبەش لە نێوان سەرجەم ھێزەکاندا ھەیە و پێویستە ھەڵبژاردن بکرێت و رێگا راستەکە ئەوەیە سەرۆکایەتی ھەرێم لەگەڵ لایەنەکان بگاتە لێکتێگەیشتنێک لەو بارەیەوە گفتوگۆ لەسەر ئەو بابەتە کراوە و بەردەوام دەبێت.