ئەمڕۆ ئەم شوێنانە مووچەی مانگی سێ وەردەگرن

SNN

دابەشکردنی مووچەی مانگی ئازار، بەپێی لیستی مووچەی وەزارەتی دارایی و ئابووری هەرێم چەند وەزارەتێک مووچە وەردەگرن و تا پێش جەژنی ڕەمەزان دابەشکردنی مووچەی سەرجەم وەزارەتەکان تەواودەبێت.

هەینی رابردوو، وەزارەتی دارایی و ئابووری هەرێم لیستی مووچەی مانگی ئازاری بڵاوکردەوە، بەگوێرەی لیستەکە ئەمڕۆ ئەم وەزارەتانە مووچەی مانگی سێ وەردەگرن، ئەوانیش: “مووچەی پەروەردە، داد، ئەنجومەنی دادوەری، ئەوقاف و کاروباری ئایینی، دیوانی چاودێری دارایی، پلاندانان، بازرگانی و پیشەسازی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو، شارەوانی و گەشتوگوزار، ئاوەدانکردنەوە و نیشتەجێکردن، ڕۆشنبیری و لاوان، کارەبا، خوێندنی باڵا و توێژینەوەی زانستی”.

هاوکات ئەم شوێنانەی تریش هەر ئەمڕۆ دووشەممە 8ی ئازار مووچە وەردەگرن،  وەزارەتی کاروباری شەهیدان و ئەنفالکراوان، ئەنجومەنی ئاسایش، دەزگای ئاسایش، هێزی زێرەڤانی، هێزی بەرگری و فریاکەوتن، یەکەی 70 و 80، ب. پۆلیسی دامودەزگا نەوتییەکان، سەرۆکایەتی هەرێم و پەرلەمان، لەگەڵ سەرۆکایەتی ئەنجومەنی وەزیران دابەشدەکرێت.

دابەشکردنی مووچەی مانگی ئازار لە کاتێکدایە، نزیکەی هەفتەیەک بەسەر دابەشکردنی مووچەی مانگی شوبات تێپەڕیوە.