وەزارەتی بازرگانیی عێراق پرۆسەی وەرگرتنی گەنمی جوتیاران رادەگەیەنێت

SNN

ئەمڕۆ وەزارەتی بازرگانی عێراق لە راگەیەنراوێکدا ئاشکرایکرد، وەرزی بە بازاڕکردنی گەنمی جوتیاران لە عێراق دەستیپێکرد و یەکەمجاریش لە پارێزگای موسەننا دەبێت.

ئەمڕۆ پێنجشەممە 11ی نیسان، وەزارەتی بازرگانی عێراق رایگەیاند، وەرزی بە بازاڕكردنی گەنمی جوتیارانی لە باشووری عێراق بۆ ساڵی 2024 دەستیپێکرد.

ئاماژە بەوەکراوە،  وەرگرتنەكە لە پارێزگای موسەننا-وە دەستیپێكردووە و دواتریش سەرجەم پارێزگاكانی دیكە دەگرێتەوە.

ئەوەش لە كاتێكدایە لە كۆبوونەوەی ئەم هەفتەیەی ئەنجومەنی وەزیرانی عێراق بڕیاردرا گەنمی ئەمساڵی جوتیاران بە 850 هەزار دینار بۆ هەر تۆنێك بکڕنەوە.