جارێکی دیکە بەهۆی وەرگەڕانی تانکەرەوە ئاوی زێی دوکان پیس بووە

SNN

بەرەبەیانی ئەمڕۆ تانکەرێکی گواستنەوەی سوتەمەنی لە نزیک گوندی کلکەسماق وەرگەڕا و بەهۆیەوە جارێکی دیکە ئاوی زیێ دوکان پیسبووەوە.

بەپێی زانیارییەکانی SNN کاتژمێر 1:00ی بەرەبەیانی ئەمڕۆ تانکەرێکی گواستنەوەی سوتەمەنی لەسەر رێگەی کۆیە-دوکان لە نزیک گوندی کلکەسماق وەرگەڕاوە و بەهۆیەوە شۆفێرەکەی گیانی لەدەستداوە.

هەر بەگوێرەی زانیارییەکان لەئەنجامی وەرگەڕانی ئەو تانکەرەدا سووتەمەنی ڕژاوەتەوە ناو زێی دوکان و بەهۆیەوە جارێکی تر ئاوی زێی دوکان پیسبووە و لەئێستادا تیمەکانی دابەشکردنی ئاو لە سلێمانی و لە دوکان چاودێری وردی پیس بونی ئاوی زێی دوکان دەکەن.

رۆژی(30/3/2024) بەهۆی روداوێکی هاوتوچۆ لە نێوان دو بارهەڵگری سوتەمەنی، ئاوی زێی دوکان پیس بوو، بۆماوەیەک بەردانەوەی ئاو بۆ سلێمانی راگیرا.