ئەمڕۆ ئەنجوومەنی ئاسایش لەسەر دۆخی رۆژهەڵاتی ناوەڕاست کۆدەبێتەوە
ئاڵاى وڵاتى ئێران | فۆتۆ: AFP
SNN
لەدوای هێرشەکانی شەوی رابردووی ئێران بۆ سەر ئیسرائیل، ئەنجوومنەی ئاسایشی نێودەوڵەتی، ئەمڕۆ یەکشەممە کۆدەبێتەوە و گفتوگۆکانیان لەسەر دۆخی رۆژهەڵاتی ناوەڕاست دەبێت.
ئەمڕۆ یەکشەممە 14ی نیسان، ئەنجوومەنی ئاسایشی نێودەوڵەتی لەەر دۆخی رۆژهەڵاتی ناوەراست کۆدەبێتەوە، هاوکات ئیسرائیلیش داوای لە ئەنجوومەنەکە کردووە کۆبوونەوەی بەپەلە کردووە بۆ ئیدانەکردنی هێرشەکەی ئێران بۆ سەرخاکەکەیان.
هاوکات، جلعاد ئیردان، نوێنەری ئیسرائیل لە نەتەوە یەكگرتووەكان لە نامەیەكدا بۆ ئەنجومەنی ئاسایش رایگەیاند، هێرشەكەی ئێران پەرەسەندنێكی توند و مەترسیدارە.
شەوی رابردوو، ئێران هێرشێكی بە فڕۆكەی بێفڕۆكەوان و مووشەك بۆ سەر ئیسرائیل ئەنجامدا کە ماوەی پێنج كاتژمێری خایاند، هێرسەکەی ئێران وەک وەلامدانەوەیەک بووە بۆردوومانەکانی ئیسرائیل بۆ سەر کونسوڵخانەی ئێران لە دیمەشق، کە دوو هەفتەی لەمەوبەر ئەنجام درابوو.
هاوکات، دانیال ههگارى، وتهبێژى سوپاى ئیسرائیل له كۆنگرهیهكى رۆژنامهوانیدا رایگهیاند، “ئێران 300 هێرشى مووشهكى كردووهته سهر ئیسرائیل، بهڵام 99٪ى مووشهكهكانى خراونهتهخوارهوه و تهنیا كچێكى 10 ساڵ به سووكى بریندار بووه، ئێمه له ئامادهباشى تهواوهتیداین”.
