جۆ بایدن: هاوبەشیمان لەگەڵ عێراق بۆ هەردوولامان گرنگە
SNN
سەرۆکی ئەمریکا پەیوەندییەکانی وڵاتەکەی و عێراق بە ستراتیژی و گرنگ ناودەبات و جەخت لە پاراستنی هاوپەیمانان و هاوبەشانی دەکاتەوە، سەرۆکوەزیرانی عێراقیش دەڵێت، پەیوەندییەکانی عێراق و ئەمەریکا پتەوتر دەبن.
محەمەد شیاع سودانی، سەرۆکوەزیرانی عێراق لە میانی سەردانە فەرمییەکەیدا بۆ عێراق لە کۆشکی سپی لەگەڵ جۆ بایدن سەرۆکی ئەمریکا کۆبووەوە.
لە کۆبوونەوەکەدا بایدن رایگەیاند: پابەندین بە پاراستنی هاوپەیمانەکانمان لە رۆژهەڵاتی ناوەڕاست و بەتایبەتی لە عێراق.
باسی لەوەشکرد: هاوبهشی نێوان عێراق و ئهمهریكا زۆر گرنگه، له ده ساڵی رابردوودا سهربازهكانی ئێمه شانبهشانی سهربازه عێراقییهكان كاریان بۆ لهناوبردنی داعش كردووه و ئێمه چوارچێوهو رێكهوتنێكی ستراتیژیمان لهگهڵ عێراق ههیه و هاوبەشیمان لەگەڵ عێراق بۆ هەردوولامان گرنگە.
لای خۆشیەوە: محەمەد شیاع سودانی رایگهیاند، رژدین بۆ كاراكردنهوهی رێككهوتنی چوارچێوهی ستراتیژی نێوان عێراق و ئهمهریكا.
سەبارەت بە پێشهاتەکانی ناوچەکەش سوودانی ههروهها وتی، داوا دهكهین ئاڵۆزییهكانی ناوچهكه فراوانتر نهكرێت.
سهرۆكوهزیرانی عێراق ئهوهشی خستهڕوو، رێككهوتنی چوارچێوهی ستراتیژی، نهخشهرێگهی پهیوهندییهكانی داهاتووی عێراق و ئهمهریكایه.
وتیشی: به ئەنجامی لیژنەی هەماهەنگیی باڵای نێوان عێراق و ئەمەریکا پابەند دەبین و پەیوەندییەکانی عێراق و ئەمەریکا پتەوتر دەبن.
سودانی ئەوەشی خستەڕوو، پەیوەندییەکانی عێراق و ئەمەریکا بە قۆناغێکی گرنگدا تێدەپەڕێت.
