“مووچەی سێ مانگی ساڵی رابردوو لە ناو بڕیاری دادگای فیدڕاڵیدایە وەزارەتی دارایی ناتوانێت لە نەدانی رابکات”
پارێزەری دۆسیەی مووچەی فەرمانبەران رایگەیاند، بە پێی بڕیارەکەی دادگای فیدراڵی، مووچەی سێ مانگی کۆتایی 2023 دەدرێتەوە بە فەرمانبەران لە کاتێکدا کە وەزارەتی دارایی عێراق دیاری دەکات.
ئەمڕۆ پێنجشەممە، بەکر حەمە سدیق، ئەو پارێزەرەی کە دۆسیەی مووچەی فەرمانبەرانی لە دادگای فیدراڵیدا بردەوە ڕایگەیاند، مووچەی سێ مانگەکەی ساڵی2023 لەنێو بڕیاری ژمارە (224 / ئیتحادیە/ 2023 )دایە پێویست ناکات بەدوایدا بگەڕێن.
راشیگەیاندووە،وەزارەتی دارایی لە هەر دەفەتێکدا کە خۆی دیاریی دەکات لەگەڵ مانگەکانی تردا دەیدات، ناشتوانێ لەوە رابکات چونکە بڕیارەکەی دادگا لەوەشدا ڕوونە کە دەبێ مووچەی فەرمانبەران بۆ ساڵی ٢٠٢٣ بدات و هیوادارین مووچەی سێ مانگەکەش، لە نزیکترین کاتدا داخڵی مووچەی بکەن.
