ئەمڕۆ ئەنجوومەنی سەرکردایەتی یەکێتیی لەسەر پرسی هەڵبژاردن کۆدەبێتەوە

SNN

ئەمڕۆ ئەنجوومەنی سەرکردایەتی یەکێتیی نیشتیمانیی کوردستان، لەسەر پرسی ئەنجامدانی هەڵبژاردنی پەرلەمانی کوردستان و چۆنییەتی دەستپێکردنی بانگەشەی هەڵبژاردن کۆدەبێتەوە.

سەعدی پیرە، وتەبێژی یەکێتیی نیشتمانیی کوردستان لەو بارەیەوە رایگەیاند، ئەمڕۆ پێنجشەممە گفتوگۆ لەسەر چۆنییەتی دەستپێکردنی بانگەشەی ھەڵبژاردن دەکەین.

هاوکات، رەتیکردەوە سەرۆکایەتی هەرێم پەیوەندی پێوە کردبن بۆ کۆبوونەوە لەبارەى هەڵبژاردن

لەبارەى پرسی هەڵبژاردنی پەرلەمانی کوردستان، دوێنێ چوارشەممە 17ی نیسان، بافڵ جەلال تاڵەبانى، سەرۆکى یەکێتیى نیشتمانیى کوردستان، لە کۆنفرانسێکى رۆژنامەوانیدا، رایگەیاند، “هەڵبژاردنى پەرلەمانى کوردستان، لە وادەى خۆیدا ئەنجامدەدرێت، یەکێتیش بۆ ئەو پرسە ئامادەیە و هەموو ئامادەکارییەکی بۆ بەڕێوەبردنی هەڵبژاردنی پەرلەمانی کوردستان کردووە لە وادەی دیاریکراوی خۆیدا”.