لەناو ئاوی سەرچاوەی زەڵم تەرمێک دۆزراوەتەوە و پۆلیسیش داوا لەهاووڵاتیان دەکات کەسوکاری ئاگاداربکەنەوە
عەلی حەمەسەعید-SNN
وتەبێژی پۆلیسی پارێزگای هەڵەبجە ئاماژبەوەدەکات، ئەمڕۆ لەناو ئاوی ئەحمەدئاوا تەرمی پیاوێکی نەناسراو دۆزراوەتەوە کە تەمەنی نزیکەی 35 بۆ 45 ساڵ دەبێت وهیچ ناسنامەیەکی پێنییە.
موقەدەم بەرزان عوسمان، وتەبێژی پۆلیسی پارێزگای هەڵەبجە بە SNNی ڕاگەیاند: دوانیوەڕۆی ئەمڕۆ هەینی لەناو ئاوی ئەحمەد ئاوا لەنزیک ناحیەی خورماڵ تەرمی هاووڵاتییەک لەڕەگەزی نێر بەخنکاوی دۆزرایەوە کەهیچ ناسنامەیەکی پێنییە.
ئاماژەی بەوەشکرد، تەرمەکە ڕەوانەی پزیشکی دادی پارێزگای هەڵەبجە کرا دۆسیەی لێکۆڵینەوە بۆ ڕوداوەکە لەبنکەی پۆلیسی خورماڵ ڕێکخراوە.
وتەبێژەکەی پۆلیسی پارێزگای هەڵەبجە ئەوەشی خستەڕوو، داوا لەهاوڵاتیان دەکەین هەرکەسێک خۆی بە خزموکەسو کاری دەزانێت سەردانی پزیشکی دادی پارێزگای هەڵەبجە بکات بەمەبەستی ناسینەوەی ناسنامەکەی.
