گۆڕێکی بەکۆمەڵ لە شەنگال دۆزرایەوە
SNN
له كاتی كاركردن بۆ دروستكردنی شهقامێك، گۆڕێكی بهكۆمهڵ له سنووری شارۆچكهی شهنگال دۆزرایهوه كه مێژووهكهی بۆ ساڵی 2014 دهگهڕێتهوه.
ئهمڕۆ ههینی 19ی نیسان، له كاتی كاركردن بۆ دروستكردنی شهقامێك، گۆڕێكی بهكۆمهڵ له سنووری شارۆچكهی شهنگال دۆزرایهوه.
خهیری عهلی بهرپرسی رێكخراوی پتریكۆر بۆ مافهكانی مرۆڤ لهبارهی دۆزینهوهی گۆڕه بهكۆمهڵهكه رایگەیاند، “چهند كرێكارێك له كاتی كاركردن له شهقامێكدا گۆڕه به كۆمهڵهكهیان دۆزیووهتهوه، ئەو شوێنەی گۆڕەکەی لێدۆزراوەتەوە دهكهوێته كۆمهڵگهی سیبا شێخدری له باشووری چیای شهنگال”.
ئاماژەی بەوەکردووە، “له گۆڕهكهدا روفاتی ژنێكی به تهمهن ههیه و چاوهڕێدهكرێت روفاتی دیكهشی تێدابێت، بۆیه كاركردن لهو شهقامه راگیراوه تا گهڕان و لێكۆڵینهوهی لایهنی پهیوهندیدار تهواو دهبێت، دواتر كاری پشكنین و وردبینی بۆ روفاتهكان ئهنجام دهدهن تا بهتهواوی ژمارهكانیان بزانرێت”.
خهیری عهلی روونیکردەوە، قوربانییانی نێو گۆڕه بهكۆمهڵهکە دهگهڕێنهوه بۆ رۆژی پهلاماردانی چهكدارانی داعش له 3ی ئابی ساڵی 2014 بۆ سهر شهنگال و ناوچهكانی دهوروبهری، كه بههۆیهوه ژمارهیهكی زۆر هاووڵاتی ئێزیدی بوونه قوربانی و به كۆمهڵ لهژێر خاك نران.
جێگەی ئاماژەیە، تائێستا زیاتر له 90 گۆڕ له شنگال دۆزراونهتهوه، كه گۆڕی به كۆمهڵ و گۆڕی تاكهكهسی-ن، لهو ژمارهیهش تهنیا 55 گۆڕ ههڵدراونهتهوه.
