شەپۆلێکی باران روو لە ناوچەکانی هەرێم دەکات

SNN

سالار حاجی عەلی، شارەزا لە بواری کەشناسی لە نوێترین پێشبینییەکانی لەبارەی پلەکانی گەرما و باران ڕایگەیاند: لەگەڵ لاچونی بەرزەپەستان لەبەرواری 21 بۆ 22ی نیسان بۆ ماوەی 48کاتژمێر، نزمەپاڵەپەستۆی دەریای سور بڕێک شێ لە دەریای سور و کەنداوی عەرەبی هەڵ ئەکشێت بۆ ناوچەکان لەگەڵ بەر یەک کەوتنی چینی هەوای سارد
جارێکی تر هەرێمی کوردستان دەچێتەوە نێو کەشێکی باران بارینی لاواز بۆ مامناوەند.

ئەو راشیگەیاند، باران لە ناوچە جیاجیاکان بەبڕی جیاواز دەبارێت، هەورە بروسکەو بارانی نمەو ڕشێنە باران لەهەندێک ناوچەی تر بارانی مامناوەند دەبارێت، لە هەندێک ناوچە تر بەس هەورو خۆرەتاوە، پلەکانی گەرما چەند پلەیەک دا ئەبەزێت خێرایی با هەندێک جار لەگەڵ شەپۆلەکە زیاد دەکات.

وتیشی” کاریگەری ئەم شەپۆلە لە سەر ناوچە شاخاویەکان ناوچە سنووریەکان زیاتر دەبێت، دواتر بۆ ناو شارە گەورەکان وەک ناوچەکانی شاری سلێمانی زۆر زیاتر دەبێت، لە دوای ئەوە بەشێکی تری شاری هەڵەبجە لەگەڵ ئەوەش دا ناوچەکانی شارەکانی تر شاری کەرکوک و شاری هەولێر و شاری دهۆک کاریگەری لاوازی دەبێت”

ئاماژە بەوەش دەکات، دواتر هەر لە ڕۆژی 22ی نیسان کاریگەری ئەم شەپۆلە بەرەو لاوازی دەچێت، بۆ ڕۆژانی دوایی بەرزە پەستان ڕوو لەناوچەکان دەکات بۆ ماوەیەک دەمێنێتەوە”