نوێترین زانیاری لەبارەی ناردنی لیستی مووچەی فەرمانبەران بە پلەبەرزكردنەوە

SNN-عەلی حەمە سەعید

لیستی مووچەی مانگی نیسانی فەرمانبەرانی هەرێم تەواو بووە و لەم هەفتەیەدا ڕەوانەی بەغدا دەكرێت، هاوكات هەر لەم مانگەدا لیستێكی دیكەی فەرمانبەرانی هەرێم بە پلەبەرزكردنەوە ئامادە دەكرێت و بەهەمان شێوە ڕەوانەی بەغدا دەكرێت كە بە پلەبەرزكردنەوە ئامادەكراوە و ئەگەری زۆرە لە مانگی داهاتووەوە مووچە بە پلەبەزكردنەوە دابەشبكرێت.

سۆران عومەر مستەفا، بەڕێوەبەری گشتی پەروەردەی هەڵەبجە بە SNNی ڕاگەیاند: بەمەبەستی ئامادەكردنی لیستی مووچەی مامۆستایان و فەرمانبەرانی سەر بە بەڕێوەبەرایەتی گشتی پەروەردەی هەڵەبجە ماوەی چەند ڕۆژێكە بە بەردەوامی و تەنانەت لە ڕۆژانی پشووش لە ئەركدابووین بۆ ئەوەی بتوانین لە زووترینكاتدا لیستی مووچەی مامۆستایان وفەرمانبەران بە پلەبەرزكردنەوە ئامادە بكەین بۆ ئەومەبەستەش هەریەكە لە بەڕێوەبەری گشتی و بەڕێوەبەری كارگێڕی و خۆیەتی و فەرمانبەرانی دیوانی بەڕێوەبەرایەتی گشتی پەروەردەی هەڵەبجە دوێنی كە هەینی و پشووبوو لە ئەركدا بووین.

ئاماژەی بەوەشكرد، ئەمڕۆش كە پشووە بەهەمان شێوە لە ئەركدان بۆ ئەوەی بتوانن بەزووترین كات لیستی مووچەی مامۆستایان و فەرمانبەران بە پلەبەرزكردنەوە ئامادەبكەین و تائێستاش پشكنینمان بۆ زیاد لە پێنج هەزار دۆسیە كردووە و هەوڵدەدەین لەم هەفتەیەدا كۆتایی بهێنین بە ئامادەكردنی لیستی بەرزەمووچەی مامۆستایان و فەرمانبەرانی سنووری بەڕێوەبەرایەتی گشتی پەروەردەی هەڵەبجە بۆ ئەومەبەستەش فەرمانبەرەكانمان كە شەو ڕۆژوو پشووەكانیان خستۆتە سەریەك بۆ ئەوەی مافی مامۆستایان و فەرمانبەران دەستەبەرو ئامادەبكەین.

بەگوێرەی زانیارییەكانی SNNكە لە بەرپرسێكی وەزارەتی دارایی وەریگرتوون ئەوەخراوەتەڕوو، لیستی مووچەی مانگی نیسانی فەرمانبەرانی هەرێم بەرەو كۆتایی ڕۆشتووە و لەم هەفتەیەدا ئاراستەی وەزارەتی دارایی عێراق دەكرێت بەمەبەستی وردبینیكردنی، بۆیە لەگەڵ دەستكردن بەدابەشكردنی مووچەی فەرمانبەرانی عێراق پشكی فەرمانبەرانی هەرێمیش ڕەوانەدەكرێت و هاوكات بۆ مووچەی مانگی پێنجیش بەهەموو ئەگەرێكەوە پێدەچێت مووچە بە پلەبەرزكردنەوە دابەشبكرێت.