کەشناسی: پلەکانی گەرما زیاتر بەرزدەبنەوە

SNN

کەشناسی پێشبینییەکانی 48 کاتژمێری داهاتووی بڵاوکردەوە و رایگەیاند، ئاسمان پەڵە هەور دەبێت و هەندێک ناوچە خێرایی با بەهێز دەبێت، تۆزو خۆڵ دروستدەبێت.

ئەمڕۆ سێشەممە 23ی نیسان، بەشی پێشبینی بەڕێوەبەرایەتی کەشناسی و ب ومەلەرزەزانی هەرێم رایگەیاند، ئەمڕۆ ئاسمان ساماڵ دەبێت لەگەڵ درووسبونی هەندێک پەڵە هەور، پلەکانی گەرما (1-2) پلەی سیلیزی بە بەراورد لەگەڵ تۆمارکراوی دوێنێ بەرز دەبێتەوە و خێرایی با مامناوەند دەبێت .

سەبارەت بە کەشی سبەینێ چوارشەممە، ئاسمان ساماڵ و پەڵە هەور ەبێت، ئەگەری بەرزبوونی تۆز و خۆڵ هەیە لە بەشێک ناوچە لە باشوری پارێزگای کەرکوک و بەشێک لەئیدارەی سەربەخۆی ئیدارەی گەرمیان، پلەکانی گەرماش نزیک دەبێتەوە لە تۆمارکراوی ئەمرۆ.

هاوکات، خێراى با مامناوەند دەبێت ( 10 – 20 )کیلۆمەتر لە کاتژمێرێکدا، لە بەشێک ناوچە لە پارێزگای کەرکوک و ئیدارەی گەرمیان پێشبینی دەکرێت خێرایی با بەرز بێتەوە بۆ سەرووی 25کیلۆمەتر لە کاتژمێرێکدا .

بەرزترین پلەکانی گەرمای پێشبینیکراو بە پلەی سیلیزی :

هەولێر : 30

سلێمانی : 27

دهۆک : 29

کەرکوک : 30

هەڵەبجە : 28

زاخۆ : 30

سۆران : 27

حاجی ئۆمەران : 19

گەرمیان : 31