وادەی گەیشتنی پارەی مووچە بۆ هەرێم ئاشکرا دەکرێت

رۆژیار سیروان- SNN

سەرچاوەیەک وادەی گەیشتنی پارەی مووچە بۆ هەرێم ئاشکرا دەکات و ئەوەش دەخاتەڕوو، پرسی رادەستکردنی داهاتی نەوتی و نانەوتی بە بەغدا، لە کۆبوونەوە لەگەڵ سەرۆکوەزیرانی عێراق یەکلایی دەکرێتەوە.

سەرچاوەیەک لە وەزارەتی دارایی هەرێم بە snn ڕاگەیاند، سبەینێ کۆبوونەوەی وەزارەتی دارایی بەرێوەدەچێت و هیچ بڕیارێک نەدراوە تا شاندێکی هەرێم سەردانی بەغدابکات.

ئەو سەرچاوەیە ئاماژەی بەوەشدا، وەزارەتی دارایی چاوەرێی گەیشتنی پارەی مووچەخۆران دەکات لەلایەن وەزارەتی دارایی عێراق کە بڕیارە 25ی مانگ بنێردرێت.

باسی لەوەشکرد: پرسی ڕادەستکردنی داهاتە نەوتی ونانەوتییەکان هیچ بریارێکی لێنەدراوە و چاوەڕوان دەکرێت دوای ئەنجامدانی کۆبوونەوە لەگەڵ سودانی کە لە ئەمریکا گەڕاوەتەوە ئەم پرسە تاوتوێ بکرێت و بڕیاری کۆتایی لێبدرێت.