ئەنجوومەنی وەزیران لەسەر مانگی چوار و هەژماری من کۆدەبێتەوە

SNN-

ئەنجوومەنی وەزیرانی حکومەتی هەرێمی کوردستان لەبارەی موچەی مانگی نیسان و هەژماری من کۆدەبێتەوە.

ئەمڕۆ چوارشەممە، ئەنجوومەنی وەزیرانی حکومەتی هەرێمی کوردستان کۆدەبێتەوە و بەگوێرەی کارنامەی کۆبوونەکەو بڕگەی یەکەم تایبەت دەبێت بە گفتوگۆکردن لەبارەی ڕاپۆرتی ھاوبەشی وەزارەتی دارایی و ئابووری و شاندی دانوستانکار سەبارەت بە ئامادەکارییەکان بۆ مووچەی مانگی نیسان و داڕشتنی میکانیزمی پێویست بۆ جێبەجێکردنی پابەندییەکانی حکومەتی ھەرێمی کوردستان لە بواری داھاتەکان و بە بانکیکردنی پێدانی مووچە، بەگوێرەی دەستوور و یاسای بودجەی فیدراڵ و یاسای بەڕێوەبردنی دارایی فیدراڵ گفتوگۆ دەکرێت.

هەروەها لە بڕگەی دووەمی کۆبوونەوەکە دوو خاڵ گفتوگۆ دەکرێن کە بریتین لە:چەند پێشنیارێک تایبەت بە ئاسانکاریی گەڕاندنەوەی پێشینەکانی بانکە پسپۆڕییەکان لای ھاووڵاتییان وەکوو: خانووبەرە، کشتوکاڵی، نیشتەجێبوون، پیشەسازی، گەشتوگوزار، ھاوسەرگیری، ھەروەھا قەرزی بانکە بازرگانییەکان و ڕێژەی سوودی بانکیی ئەم قەرزانە و ڕێکارەکانی وەرگرتنەوەیان بەپێی یاسای چاکسازی.

لە بڕگەی سێیەمدا دەنگدان لەسەر ڕەشنووسی پەیڕەوی پۆلێنکردنی بەڵێندەران و دانان لە لیستی بێبەشکردن لە بەشداربوون، تاووتوێ دەکرێت.