دانا گاز: بە بەرهەمهێنانی غاز لە کێڵگەی کۆرمۆردەستپێدەکاتەوە

SNN-

کۆمپانیای دانا گاز، لە راگەیەندراوێکدا بڵاویکردەوە، دوای گەیشتنی رێنمایی لە ئەبوزەبییەوە و بە پشتبەستن بە بەهێزکردنی بەرگرییەکان و پابەند بوون بە پاراستنی کارمەندەکان، بەرهەمهێنان لە کۆرمۆر دەستپێدەکەنەوە و هەنگاوەکان لە ئەمڕۆ 1ی ئایارەوە دەستپێدەکات.

کۆمپانیای دانا گاز لە راگەیەندراوێکدا بڵاویکردووەتەوە و دەڵێت:”بە پشتبەستن بە هەنگاوی کۆنکرێتی كە لەلایەن حکومەتی عێراق و حکومەتی هەرێمی کوردستانەوە ئەنجامدراون بۆ بەهێزکردنی بەرگرییەکان لە کۆرمۆر و پابەندبوونە پتەوەکان لە ئاستە بەرزەکانی هەردوو دەسەڵات، دانەگاز و هاوبەشەکانی هەنگاویان ناوە بۆ دەستپێکردنەوەی بەرهەمهێنان لە کێڵگەی کۆرمۆر”.

لە راگەیەندراوەکەدا هاتووە، دەستپێکردنەوەی بەرهەمهێنان لە کێڵگەکە بە شێوەیەکی قۆناغ بە قۆناغ ئەنجام دەدرێت و رێوشوێنی نوێ جێبەجێ دەکرێت بۆ زۆرترین سەلامەتی هەموو کارمەندان و دامەزراوەکان.

رۆژی 26ى نیسان هێرشکرایە سەر کێڵگەی غازی کۆرمۆر و بەهۆیەوە چوار کارمەندى کۆمپانیاکە گیانیان لەدەستدا و ژمارەیەکی دیکەش برینداربوون. رۆژی 29ی نیسانیش کۆمپانیای دانا گاز راگەیەندراوێکی بڵاوکردەوە و رایگەیاند، رێوشوێنه‌كانى كاركردنمان گۆڕیوه‌ و به‌رهه‌مهێنانمان له‌ناو كێڵگه‌كه‌ به‌شێوه‌یه‌كى كاتى راگرتووه‌.