کرێکارانی خانەنشینکراو مووچەکانیان زیاد دەکرێت

SNN

وەزارەتى کار و کاروباری کۆمەڵایەتیى عێراق بڕى 100 هەزار دینار بۆ مووچەى کرێکارانى خانەنشین زیاد دەکات.

ئەمڕۆ چوارشەممە 1ی ئایار، وەزارەتى کار و کاروباریى کۆمەڵایەتیى عێراق راگەیەنراوێکی بڵاوکردووەتەوە و تیایدا هاتووە، لە کۆبوونەوەى داهاتووى ئەنجوومەنى وەزیراندا دەنگ لەسەر بڕیاری زیادکردنی  هەزار دینار بۆ مووچەی کرێکارانی خانەنشین دەدرێت.

ئەحمەد ئەسەدی، وەزیری کار و کاروباری کۆمەڵایەتیی عێراق ئاشکرایکردووە، بەبۆنەی رۆژی جیهانیی کرێکارانەوە بڕیاری زیادکردنی 100 هەزار دیناری مانگانەی بۆ کرێکارانی خانەنشین دەرکردووە.

هاوکات دوێنێ سێشەممە، وەزارەتی دارایی عێراق رایگەیاندووە، وەک دیاری جەژنانەی جەژنی قوربان بڕی 100 هەزار دینار لە مووچەی مانگی پێنجدا دەبەخشێتە کڕیکارانی بیمەکراو.

بەگوێرەى یاساى خانەنشینى و دەستەبەرى کۆمەڵایەتیى کرێکاران ژمارە 18ى ساڵى 2023، مووچەى مانگانەى کرێکارانى خانەنشین بە 500 هەزار دینار دیاریکراوە.