رۆژانه 3 كه‌س به تۆمه‌تى به‌كارهێنان و بازرگانى به مادده‌ى هۆشبه‌ر ده‌ستگیر ده‌كرێن
دەستبەسەرداگرتنی ماددەی هۆشبەر | فۆتۆ: SNN
SNN
وتەبێژی دەزگای ئاسایشی هەرێم رایده‌گه‌یه‌نێت، له سه‌ره‌تاى ساڵى 2024ه‌وه تاوه‌كو ئێستا رۆژانه سێ كه‌س له هه‌رێمى كوردستان به تۆمه‌تى به‌كارهێنان و بازرگانى كردن به ماده‌ى هۆشبه‌ر ده‌ستگیر كراون.
سەلام عەبدولخاق، وتەبێژی دەزگای ئاسایشی هەرێم له نوێترین چاوپێكه‌وتنیدا له‌گه‌ڵ SNN رایگه‌یاند، “له سه‌ره‌تاى ساڵى 2024ه‌وه تاوه‌كو ئێستا 319 كه‌س ده‌ستگیر كراون به تۆمه‌تى به‌كارهێنان و بازرگانى كرد به مادده‌ى هۆشبه‌ر، به‌داخه‌وه زۆرینه‌ى ئه‌وانه‌ى به‌م تۆمه‌ته ده‌ستگیر ده‌كرێن گه‌نجن”.
وتیشى: “هه‌ندێك جار هه‌رێمى كوردستان وه‌ك ناوه‌ندێكى گواستنه‌وه‌ى بازرگانى به‌كاردێت، حاڵه‌ت هه‌بووه 50 كیلۆ مادده له هه‌رێمى كوردستانه‌وه هه‌نارده‌كراوه، به‌ڵام ئێمه هه‌موو هه‌وڵێكمان بۆ ئه‌وه‌یه كه هه‌رێمى كوردستان بۆ ئه‌م به‌مه‌به‌سته به‌كارنه‌یه‌ت”.
