وهزیرى دارایی ههرێم: دابهشكردنى مووچه لاى عێراقه
ئاوات شێخ جهناب، وهزیرى دارایی و ئابوورى حكومهتى ههرێم | فۆتۆ: پهرلهمانى كوردستان
SNN
وهزیرى دارایی و ئابوورى حكومهتى ههرێمى كوردستان رایدهگهیهنێت، بانكى بازرگانى عێراق بهشێكه له پرۆسهى (ههژمارى من) و دهڵێت: “ئهوهى عێراق بۆ تهوتین داواى دهكات ئێمه دهمێكه دهستمان پێكردووه.
ئهمڕۆ یهكشهممه 5ى ئایار، شاندێكى بانكى بازرگانى عێراق (TBI) گهیشتنه شارى ههولێر و بڕیاره لهگهڵ تیمى پرۆژهى (ههژمارى من) كۆببنهوه و تاوتوێى به نیشتیمانیكردنى پرۆسهى دابهشكردنى مووچه (تهوتین) بكه.
لهو بارهیهوه، كهمێك لهمهوبهر، ئاوات شێخ جهناب، وهزیرى دارایی و ئابوورى حكومهتى ههرێمى كوردستان لهبهردهم رۆژنامهمووسان وتى: “بانكى بازرگانى عێراقى بهشێكه له (ههژمارى من)، چونكه ههژمارى من پرۆژهیهكه كه له چهند بانكێك پێكهاتووه نهوهك له یهك بانك و بانكى بازرگانى عێراقیش وهك ههموو بانكهكانى تر بهشداره”.
لهبارهى داواكارى حكومهتى عێراق بۆ پرۆژهى بهنیشتیمانیكردنى دابهشكردنى مووچهى مووچهخۆرانى ههرێم لهڕێگهى بانكه فیدراڵیهكانهوه، ئاوات شێخ جهناب وتى: “ئهوهى عێراق داواى دهكات دهمێكه ئێمه دهستمان پێكردووه بۆ پرۆسهى به نیشتیمانیكردنى دابهشكردنى مووچه (تهوتین)”.
له وهڵامى ئهو پرسیارهى، كهى مووچهى مانگى نیسان دابهشدهكرێت؟ وهزیرى دارایی وتى: “دابهشكردنى مووچه لاى حكومهتى عێراقه”.
قسهكانى وهزیرى دارایی لهكاتێكدایه كه بهیانى ئهمڕۆ هونهر جهمال، وتهبێژى وهزارهتى دارایی و ئابوورى حكومهتى ههرێمى كوردستان له نوێترین چاوپێكهوتنیدا لهگهڵ كهناڵى تهلهفزیۆنى رووداو رایگهیاند، “هیچ كێشهیهك بۆ ناردنى مووچه لاى ئێمهوه نییه و به ههموو پێوهرێك پێویسته بهغدا ئهم ههفتهیه پارهى مووچهى مانگى نیسان بخاتهسهر ههژمارى وهزارهتى دارایی حكومهتى ههرێم”.
