هۆشدارییهكى تووند له ئیسرائیلهوه: له 48 كاتژمێردا رهفهح چۆڵ بكهن
دیمهنى چهند خانوویهكى رووخاو له رهفهح له غهززه له ئهنجامى هێرشهكانى ئیسرائیل | فۆتۆ: Reuters
SNN
بهپێى ههواڵێكى رۆژنامهى واشنتن پۆستى ئهمریكى، سوپاى ئیسرائیل كۆتا هۆشدارى داوهته رێكخراوه مرۆییهكان كه لهماوهى 48 كاتژمێردا رهفهح چۆڵ بكهن، وهك ئامادهكارییهك بۆ ئۆپراسیۆنى سهر ناوچهكه.
ئهمڕۆ دووشهممه 6ى ئایار، سوپاى ئیسرائیل بڵاویكردهوه، “ئامادهكارى دهكهن بۆ ئهنجامدانى ئۆپراسیۆنى سهربازى له ڕۆژههڵاتى ڕهفهح بۆ ئهو مهبهستهش داوامانكردووه له هاووڵاتیانى مهدهنى كه ژمارهیان 100 ههزار كهسه ناوچهكه چۆڵ بكهن”.
بهپێى زانیارییهكانى سوپاى ئیسرائیل، “داوايانكردووه دانیشتوانى رهفهح بهرهو ناوچهى مواسی و خان یونس ناوچهكه بهجێبهێڵن”.
ههر لهبارهى ئۆپراسیۆنهكهوه رۆژنامهى واشنتن پۆستى ئهمریكى بڵاویكردهوه، “سوپاى ئیسرائیل كۆتا هۆشدارى داوهته رێكخراوه مرۆییهكان كه لهماوهى 48 كاتژمێردا رهفهح چۆڵ بكهن، وهك ئامادهكارییهك بۆ ئۆپراسیۆنى سهر ناوچهكه”.
ئامادهكارییهكانى سوپاى ئیسرائیل بۆئۆپراسیۆنى رهفهح لهكاتێكدایه ههفتهى پێشوو، ئهنتۆنى بلینكن، وهزیرى دهرهوهى ئهمریكا وتى: “پشتیوانى ئیسرائیل ناكهین له ئهنجامدانى هێرشدا بۆسهر رهفهح بههۆى ئهوهى ژمارهیهكى زۆر هاووڵاتى مهدهنى تێدایه”.
