“لە گفتوگۆداین لەگەڵ کۆمپانیاکان بۆ بە چاپگەیاندنی كارتی دەنگدان”

SNN-عەلی حەمە سەعید

وتەبێژی كۆمیسیۆنی باڵای سەربەخۆی هەڵبژاردنەكانی عێراق ئاماژە بەوەدەكات تا ئەمڕۆ هیچ ‌وبڕیارێكی زارەكی و نوسراومان بەدەست نەگەیشتووە بۆ دواخستنی هەڵبژاردن و هاوكات لەگەڵ كۆمپانیاكان لە گفتوگۆداین بۆ بە چاپگەیاندنی كارتی تایبەت بەدەنگدانی پەرلەمانی كوردستان و لە 10ی ئەم مانگەشەوە دەستدەكرێت بە بانگەشەی هەڵبژاردن.

جومانە غەلای، وتەبێژی كۆمیسیۆنی باڵای سەربەخۆی هەڵبژاردنەكانی عێراق تایبەت بە SNNی ڕاگەیاند: كۆمیسیۆنی باڵای سەربەخۆی هەڵبژاردنەكان سەرقاڵی گفتوگۆیە لەگەڵ كۆمپانیاكانی تایبەت بە چاپگەیاندنی كارتی دەنگدانی پەرلەمانی كوردستان لەدەرەوەی عێراق، بەڵام تا ئێستا كارتەكانی دەنگدان بە چاپ نەگەیەندراون.

ئاماژەی بەوەشكرد، تا ئەمڕۆ هیچ ئاماژەیەكمان بۆ نەهاتووە تایبەت بە دواخستنی هەڵبژاردن و ڕاگرتنی كارەكانمان، چ بە نوسراوی فەرمی بێت یاخود بەزارەكی بۆیە كۆمیسیۆن لە كارەكانی خۆی بە بەڕێوەبردنی هەڵبژاردن لە وادەی دیاركراوی خۆیدا بەردەوامە.

بەگوێرەی پلانی كۆمیسیۆنی باڵای سەربەخۆی هەڵبژاردنەكان، بانگەشەی هەڵبژاردن لە 10/6/5/2024 دەستپێدەكات و 48 كاتژمێر پێش دەیتپێكردنی پرۆسەی هەڵبژاردن بانگەشەی هەڵبژاردن كۆتایی دێت، هاوكات لە 10/6/2024 پرۆسەی هەڵبژاردنی گشتی بەڕێوەدەچێت پارتی دیموكراتی كوردستانیش بەشداری پرۆسەكە ناكات.