واده‌ى سه‌ردانه‌كه‌ى ئیبراهیم ڕه‌ئیسى بۆ عێراق ئاشكرا بوو
هه‌نووكه | فۆتۆ: SNN
SNN
میدیاكانى عێراق بڵاویانكرده‌وه، كۆتایی ئه‌م مانگه یاخود سه‌ره‌تاى مانگى داهاتوو سه‌رۆككۆمارى ئێران سه‌ردانى به‌غدا و هه‌ولێر ده‌كات.
ئه‌مڕۆ یه‌كشه‌مه 12ى كانونى دووه‌م، میدیاكانى عێراق له‌سه‌رزارى سه‌رچاوه‌كانیانه‌وه له ئێران بڵاویانكرده‌وه، “كۆتایی ئه‌م مانگه یاخود سه‌ره‌تاى مانگى حوزه‌يرانى داهاتوو ئیبراهیم ڕه‌ئیسى، سه‌رۆككۆمارى ئێران سه‌ردانى عێراق ده‌كات”.
له‌باره‌ى كارنامه‌ى سه‌ردانه‌كه‌ى ڕه‌ئیسى، میدیاكان ئه‌وه‌یان ئاشكرا كردووه، “سه‌رۆككۆمارى ئێران سه‌ره‌تا سه‌ردانى به‌غدا ده‌كات و له‌گه‌ڵ به‌رپرسانى عێراق كۆده‌بێته‌وه، پاشان ده‌چێته‌سه‌ردانى نه‌جه‌ف و كه‌ربه‌لا، له كۆتایشدا سه‌ردانى هه‌ولێر ده‌كات”.
سه‌ردانه‌كه‌ى ڕه‌ئیسى یه‌كه‌مین سه‌ردانى ده‌بێت بۆ عێراق و هه‌رێمى كوردستان له‌دواى وه‌رگرتنى پۆستى سه‌رۆككۆمارى ئێران له 21ى ئابى 2021.
سه‌ردانیكردنى هه‌ولێر له‌سه‌ر بانگهێشتى نێچیرڤان بارزانى، سه‌رۆكى هه‌رێمى كوردستانه كه له كۆتا سه‌ردانیدا بۆ تاران به فه‌رمى بانگهێشتنامه‌ى پێشكه‌شى سه‌رۆككۆمارى ئێران كرد.
