وەزارەتی تەندروستی لەبارەی دەرمانەوە هاووڵاتیان ئاگادار دەکاتەوە
SNN
وەزیری تەندروستی رایگەیاند، هەر دەرمانخانەیەك دەرمانی بێ ستیكەر بفرۆشێت، سزایەكی قورس دەدرێ و بۆ ئەوە پێویستە هاووڵاتییانیش ئاگاداریان بكەنەوە.
لە راگەیەنراوێكی سامان بەرزنجی وەزیری تەندروستیدا هاتووە، “هاووڵاتی خۆت دوور بگرە لە هەر دەرمان یان هەر پێداویستییەكی پزیشكی بێ ستیكەری كوالێتی كۆنترۆڵ”.
وەزیری تەندروستی باسی لەوەش كردووە، “دەرمان و پێداویستی پزیشكی بەبێ كوالێتی كۆنترۆڵ، بە دەرمانی نایاسایی و قاچاخ دادەنرێت، تكایە ئەگەر بینیت بێ ستیكەرە، وەریمەگرە و مەیكڕە و هەواڵی تیمی چاودێری بدە، بە پێوەندیكردن بە هێڵی گەرمی ژمارە مۆبایلی ڕاستەوخۆی كۆڕەك 07502356000 وەتسئەپی هەمان ژمارە”.
ئەوەشی خستووەتەڕوو، “هەموو كۆمپانیا و كۆگە و دەرمانخانەكان ئاگادار كراونەتەوە لە هەر شوێنێك دەرمان و پێداویستیی پزیشكی بێ ستیكەر هەبێت، مامەڵەی تاوانی لەگەڵدا دەكرێت و سزای توند دەدرێت”.
