وادەی هەڵبژاردنی سەرۆکی پەرلەمانی عێراق دیاریکرا

SNN

سەرۆکایەتی ئەنجوومەنی نوێنەرانی عێراق وادەی هەڵبژاردنی سەرۆکی پەرلەمانی دیارکرد، رایگەیاند 18ی ئایار دەنگدان لەسەر سەرۆکی پەرلەمان دەکرێت.

ئەمڕۆ دووشەممە 13ی ئایار، سەرۆکایەتی ئەجوومەنی نوێنەرانی عێراق رایگەیاند، شەممەی داهاتوو کە دەکاتە 18ی ئایار دانیشتنی پەرلەمان دەبێت و دەنگدان لەسەر سەرۆکی پەرلەمان دەدرێت.

هاوکات، محەمەد سەهیود، سەرۆکی فراكسیۆنی ئەجیال لە پەرلەمانی عێراق بۆ ئاژانسی (المعلومە) ڕایگەیاندووە، “هێزەکانی چوارچێوەی هەماهەنگی دەنگ لەسەر کەسایەتییەکی دیاریکراو نادەن بۆ سەرۆكی پەرلەمان، بەڵکو بەشێکیان دەنگ بە پەرلەمانتار مەحمود ئەلمەشهەدانی دەدەن، ئەوانی دیکەش دەنگ بە پەرلەمانتار سالم ئەلعیساوی دەدەن”.

ئاماژەی بەوەشکردووە، کاندیدی پارتی تەقەدوم، تەلال الزوبەعی، چانسی لاوازی هەیە.

پێنج شەممەی ڕابردوو، پەرلەمانی عێراق بڕیاریدا ماوەی یاسایی ئێستا بۆ ماوەی 30 ڕۆژ درێژبکرێتەوە لەپێناو هەڵبژاردنی سەرۆكی پەرلەمان و دەنگدان بە خشتەكانی بودجە و درێژكردنەوەی تەمەنی كۆمسیۆنی باڵای سەربەخۆی هەڵبژاردنەكانی عێراق لەپێناو سەرپەرشتی كردنی هەڵبژاردنی پەرلەمانی كوردستان.