شارەوانی سلێمانی یادى چاندنی درەختێکیان کردەوە

SNN

سەرۆکایەتی شارەوانی سلێمانی، یادی چاندنی درەختێکی تەمەن 76 ساڵیان کردەوە، کە لە باخی گشتیدا چێنراوە و داوا لە هاوڵاتیانیش دەکەن پارێزگاریی لە جوانی باخەکە بکەن.

سەر لە بەیانى ئەمڕۆ پێنجشەممە 16ی ئایار، لەیلا عومەر عەلى، سەرۆکى شارەوانى سلێمانیى، بەشدارىی لە یادى دارێک کرد کە تەمەنى گەیشتووەتە (76) ساڵ و لە ناو باخى گشتى شارى سلێمانیىدا چێنراوە.

سەرۆکی شارەوانی سلێمانی ئاماژەی بەوەکردووە، مێژووى باخى گشتى هەر لە کۆنەوە دڵسۆزانە خزمەتکراوە کە بۆتە سمبولێک و سیمایەکى جوانى شارى سلێمانى.

هاوکات، داواى لە هاووڵاتیانى شارەکەش کرد کە پارێزگارى لەو باخە جوانە بکەن هەر بە جوانى و شێوازە کۆنەکەى جاران بمێنێتەوە.