په‌یامى سه‌ره‌خۆشى بافڵ جه‌لال تاڵه‌بانى بۆ گه‌لى ئێران
بافڵ تاڵه‌بانى، سه‌رۆكى یه‌كێتیی نیشتمانیى كوردستان | فۆتۆ: SNN
SNN
بافڵ جه‌لال تاڵه‌بانى، سه‌رۆكى یه‌كێتیى نیشتمانیى كوردستان په‌یامێكى هاوخه‌مى بۆ رێبه‌رى شۆڕشى باڵاى ئێران و گه‌لى ئێران ناردن به‌بۆنه‌ى گیانله‌ده‌ستدانى سه‌رۆككۆمارى ئێران و تیمه‌كه‌ى و ده‌ڵێت: “لەم ساتە سەختەدا دڵمان لای گەل و سەرکردایەتی باڵای ئێرانە”.
له په‌یامه‌كه‌دا كه ئه‌مڕۆ یه‌كشه‌ممه 20ى ئایار، بڵاوكراوه‌ته‌وه هاتووه، “بە دڵتەنگیی و خەمێکی قووڵەوە پرسەو سەرەخۆشی ئاڕاستەی جەنابی عەلی خامەنەیی، رابەری کۆماری ئیسلامی ئێران، گەل و سەرکردایەتی کۆماری ئیسلامی ئێرانی دۆست دەکەم بۆ کۆچی دوایی خوالێخۆشبوو ئیبراهیم رەئیسی سەرۆککۆماری ئیسلامی ئێران و خوالێخۆشبوو حسێن ئه‌میر عه‌بدوڵڵاهیان، وه‌زیرى ده‌ره‌وه و یاوەرانی”.
له به‌شێكى ترى په‌یامه‌كه‌دا ئه‌وه‌خراوه‌ته‌ڕوو، “لەم ساتە سەختەدا دڵمان لای گەل و سەرکردایەتی باڵای ئێرانە و هاوبەشی خەمیانین کە دڵنیام بەسەر ئەم کارەساتەشدا زاڵدەبن. لەخوای گەورە داواکارین خوالێخۆشبووان بە بەهەشتی بەرین شادبکات و سەبووری هەموو لایەک بدات”.
