سهرۆكى ئهمریكا واژووى بڕیارێكى كرد لهبارهى عێراق
جۆو بایدن، سهرۆكى ئهمریكا | فۆتۆ: AP
SNN
سهرۆكى ئهمریكا واژووى لهسهر درێژ كردنهوهى بارى نائاسایی نیشتمانى له عێراق كرد و رهوانهى كۆنگرێسى وڵاتهكهى كرد.
ئهمڕۆ سێشهممه 21ى ئايار، جۆو بایدن، سهرۆكى ئهمریكا بڕیاریدا بارى نائاسایی نیشتمانى بۆ ماوهى ساڵێك و تاوهكو 22ى ئایارى 2025 له عێراق درێژ بكاتهوه و رایگهیاند، “بهربهستهكانى بهردهم ئاوهدانكردنهوهى عێراق، پاراستنى ئارامى و ئاسایشهكهى و پهرهپێدانى دامهزراوه سیاسى و ئابوورى و ئیدارییهكانى هێشتا زۆرن، ههڕهشهن لهسهر ئاسایشى نیشتمانى عێراق و سیاسهتى دهرهوهى ئهو وڵاته و ئهمریكاش”.
وتیشى: “لهبهر بهردهوامى ئاڵنگارییهكان بڕیارماندا به درێژكردنهوهى بارى نائاسایی بۆ ماوهى ساڵێكى تر”.
لهسهردهمى ئیدارهى جۆرج بوشى كوڕ كه له ساڵى 2003 سهرۆكى ئهمریكا بوو به ژماره (13303) بڕیارى بارى نائاسایی نیشتمانى له عێراق لهلایهن ئهمریكاوه راگهیهنرا.
بڕیارهكه گوزارشته لهوهى كه ئهمریكا مافى دهركردنى بڕیارى ههیه لهسهر عێراق ئهگهر بزانێت دهبێته ههڕهشه بۆسهر ئاسایشى نهتهوهیی ئهو وڵاته و به ههمان فهرمان بڕیار لهسهر پرۆسهى ئازادى عێراق درا له ساڵى 2003.
