کەشناسی: ئەمڕۆ و سبەینێش باران بارین بەردەوام دەبێت

SNN-
کەشناسی هەرێمی کوردستان رایگەیاند، ئەمڕۆ و سبەینێ باران و هەورەتریشقە بەردەوام دەبێت پلەکانی گەرماش نزم دەبنەوە.

بەڕێوەبەرایەتییەکە لە راگەیەندراوێکدا بڵاویکردووەتەوە و کە ئەمڕۆ چوارشەممە 22-05-2024 ئاسمان نیمچە هەور دەبێت هەندێک کات دەگۆڕێت بۆ هەوری تەواو، لە کاتەکانی نیوەرۆ لە ناوچە شاخاوییەکان ئەگەری باران بارین هەیە لەگەڵ هەورە تریشقە بە تایبەت لە ناوچە شاخاوییە سنووریەکان وە لە ناوچەکانی تر ئەگەری بارینی نمە باران دەبێت . لە ئەنجامی زیادبونی خێرایی با ئەگەری کەمێک تۆز و خۆڵ هەیە لە کەشدا و پلەکانی گەرماش (2-4) پلە نزم دەبنەوە.

هەروەها سبەی پێنجشەممە 23-05-2024، ئاسمان لە زۆربەی ناوچەکان نیمچە هەور دەبێت، لە کاتەکانی دوای نیوەڕۆ لە ناوچە شاخاوییەکانی پارێزگای دهۆک ئەگەری نمە بارانێکی کەم هەیە.

بەرزترین پلەکانی گەرمای پێشبینیکراو بە پلەی سیلیزی
هەولێر : 31
سلێمانى: 26
دهۆک : 30
زاخۆ : 31
هەڵەبجە : 26
کەرکوک: 33
سۆران : 30
حاجی ئۆمەران: 16
گەرمیان : 37