بەمزوانە دانیشتنی تایبەت بە هەڵبژاردنی سەرۆكی پەرلەمان عێراق ئەنجامنادرێت
SNN
پەرلەمانتار حسێن عەرەب، بەدوری دەزانێت بەمزوانە پەرلەمانی عێراق دانیشتنێكی تایبەت بە هەڵبژاردنی سەرۆكی پەرلەمان ئەنجامبدات.
ئەو پەرلەمانتارە لە لێدوانێكی رۆژنامەوانیدا رایگەیاند، سالم عیساوی نزیكبوو لە یەكلاكردنەوەی پۆستی سەرۆكایەتی پەرلەمان، ئەگەر دانیشتنەكە هەڵنەگیرایە.
ئاشکرایکردووە، پەرلەمانتارانی تەقدوم رێگەیان نەدا پرۆسەی دەنگدان بۆ هەڵبژاردنی سەرۆك تەواوبكرێت، هەیبەت حەلوبسی قسەی بە موسەننا سامەڕائی وتووەو لێیداوە بەبێ هیچ هۆكارێك.
روونیکردووەتەوە، عیساوی كاندیدی كوتلە سوننیەكانە نەك خەمیس خەنجەر،هەندێك لە پەرلەمانتارەكان وێنەی كارتی دەنگدانیان گرتووە لەكاتی دەنگداندا.
هاوکات، محەمەد شیاع سودانی داوای نەكردووە دەنگ بە عیساوی یاخود هیچ كاندیدێكی تر بدرێت، سودانی بە لیستێكی جیا بەشداری هەڵبژاردنی داهاتوو دەكات و سەدریەكانیش هیچ كێشەیەكیان نیە لە پشتیواینكردنی.
