تهمهنى ئهنجوومهنى كۆمسیاران درێژ كرایهوه
بهڕێوهچوونى ههڵبژاردن له عێراق | فۆتۆ: AP
عەلی حەمەسەعید-SNN
كهمێك لهمهوبهر، به زۆرینهى دهنگ له ئهنجوومهنى نوێنهرانى عێراق تهمهنى ئهنجوومهنى كۆمسیارانى عێراق درێژ كرایهوه.
د. بڕیار ڕهشید، ئەندامی ئەنجوومەنی نوێنەرانی عێراق فراکسیۆنی یەکێتی ئهمڕۆ چوارشهممه 22ى ئایار، به SNNی راگەیاند، “لەکۆبوونەوەی ئەمڕۆی پەرلەمان تەمەنی کۆمسیۆن درێژکرایەوە تاکو بەرواری 6ى كانونى دووهمى 2025”.
وتیشى: “پێویستە لەسەر کۆمسیۆنى باڵاى ههڵبژاردنهكانى عێراق، هەڵبژاردنی پەرلەمانی کوردستان لەم ماوەیەدا ئەنجامبدات”.
هاوكات پرۆژەیاسای پشوورە فەرمییەکان کە خوێندنەوەی یەکەم و دووەمی بۆ کراوە لە بەرنامەی کاری ئەمڕۆی پەرلەمانی عێراقدا ههیه.
لهبارهى ئهو بابهتهوه، فراكسیۆنى یهكێتى له ئهنجوومهنى نوێنهرانى عێراق داواى كردووه، رۆژانی کیمیابارانکردنی هەڵەبجە و دەستپێکردنی شاڵاوەکانی ئەنفال لە عێراق بکرێنە پشووی فەرمی سەرتاسەری.
