یەکەم حاجی عێراقی لە سعودیە گیانیلەدەستدا
حەج
SNN
شاندی حهجی عێراقی ڕاگهیاند، حاجیهكی عێراقی كه تهمهنی 81 ساڵه پاش گهیشتنی بۆ سعودیه بهمهبهستی بهجێهێنانی فهریزهی حهج، بههۆی جهڵتهی دڵهوه له شاری مهككه گیانی لهدهستدا.
نوێنهرایهتی حهجی عێراقی راگەیەنراوێکی بڵاوکردووەتەوە و تیایدا هاتووە، “نێردراوی حهجی عێراق، سهرهخۆشی و هاوخهمی قوڵی خۆی بۆ كۆچی دوایی حاجی (مههدی لهتیف جاسم)، لهدایكبووی ساڵی 1943 رادهگهیهنێت كه خهڵكی پارێزگای بهغدايه و له نهخۆشخانهی مهلیك فهیسهڵ له مهككه بههۆی جهڵتهی دڵهوه”.
هاوکات، دوێنێ دووشهممه، نوێنهرایهتی حهجی عێراق ڕایگهیاند، ژمارهی ئهو حاجیانهی گهیشتونهته شاری مهككه، زیاتر له 18 ههزار كهسن كه به فڕۆكه له فڕۆكهخانهكانی عێراق و دهروازهی سنوری عهرارهوه سهردانی ئهو وڵاتهیان كردووه.
روونیکردەوە، له ئێستادا 11 ههزار و 232 حاجی له مهدینه دهمێننهوه، بهپێی كاته دیاریكراوهكان یهك له دوای یهك دهنێردرێت بۆ مهككهی پیرۆز، لهكاتێكدا پێنج ههزار و 395 حاجی له مهككهدان.
