“بەبێ تەوتینكردن مووچە بە فەرمانبەرانی هەرێم نادرێت”
مووچە
ئەندامێکی لیژنەی دارایی پەرلەمانی عێراق رایگەیاند: هیچ بڕە پارەیەک نادرێت بە فەرمانبەرانی هەرێمی کوردستان بێ تەوتینکردنی مووچەی فەرمانبەران پێویستە هەرێم پەلەبكات لە رێوشوێنەكانی تەوتینكردنی مووچەی فەرمانبەران.
مستەفا گەرعاوی، ئەندامی لیژنەی دارایی پەرلەمانی عێراق رایگەیاندووە، لە دواکۆبوونەوەی لیژنەکەیان لەگەڵ وەزیری دارایی و وەزیری پلاندانان و سەرۆكی دەستەی راوێژكاران رێککەوتن کراوە لەسەر ئەوەی کە پێویستە مووچە تەوتین بكرێت, هیچ پارەیەك نادرێت بە مووچە بەبێ تەوتین كردن، بۆیە پێویستە هەرێم پەلەبكات لە رێوشوێنەكانی تەوتیكردنی مووچەی فەرمانبەران.
دەشڵێت:”پشكەكەی هەرێم حساب دەكرێت و ئەو بڕە پارەیەی لێدەبڕدرێت كە لە ساڵی (2023)دا بۆی رەوانەكراوە، بەچەند بەشێك”.
ئەو پەرلەمانتارە ئاماژەی بەوەشکردووە، تاوەکو ئێستا هیچ شتێكی نوسراو و فەرمیمان بۆ نەهاتووە، بەڵام پێموایە كاریگەری سیاسی لە پرسی هەرێم هێشتا ئامادەیی هەیە، دەقە یاساییەكان ئامادەییان هەیەو بڕیاردەدەن، بەڵام كاریگەریە سیاسیەكان گەورەن و تەنات گەورەتریشین لە بڕیارەكانی دادگای فیدراڵی، ئەوە كێشەكەیە.
