بڕینى هێڵى ئینتهرنێت زیانى ملیۆنان دۆلار له ئابوورى عێراق دهدات
ثضرِانى هيَلَى ئينتةرنيَت | فؤتؤ: helpdeskgeek
SNN
سهرۆكى ناوهندى ستراتیجى بۆ مافهكانى مرۆڤ له عێراق رایدهگهیهنێت، بڕینى ئینتهرنێت به بیانووى تاقیكردنهوهكان پێشێلكردنى مافى بهكاربهره و دهشڵێت: “به ئهندازهى 0.5%ی كۆى داهاتى ناوخۆیی وڵات زیان به ئابوورى عێراق دهگهیهنێت”.
دوێنێ ههینى، وهزارهتى پهیوهندیهكانى عێراق رایگهیاند، “لهسهر داواى وهزارهتى پهروهرده له سبهى شهممهوه ههفتانه له رۆژانى چوارشهممه و شهممه له كاتژمێر 6:00ى بهیانى بۆ كاتژمێر 8:00ى بهیانى هێڵهكانى ئینتهرنێت نابن تاوهكو رۆژى 2ى مانگى تهمووز، بهمهبهستى رێگرى كردن له ئهنجامدانى گزى له تاقیكردنهوهكانى پۆلى شهشى دواناوهندیى”.
لهبارهى زیانه ئابووریهكانى بڕینى هێڵى ئینتهرنێت و پێشلكردنى مافى بهكاربهر، فازل غهراوى، سهرۆكى ناوهندى ستراتیجى بۆ مافهكانى مرۆڤ له عێراق رایگهیاند، “لهڕووى ئابوورییهوه وهستانى هێڵهكانى ئینتهرنێت لهو وادهیهى كه دیاریكراوه بهڕێژهى 0.5%ى داهاتى ناوخۆی عێراق زیان به ئابوورى وڵات دهگهیهنێت و بهڕێژهى 20%ى داهاتیش زیان به كۆمپانیاكان دهگهیهنێت”.
به وتهى سهرۆكى ناوهندى ستراتیجى بۆ مافهكانى مرۆڤ له عێراق، “كۆمپانیا و شوێنه بازرگانیهكان بههۆى وهستانى هێڵهكانى ئینتهرنێتهوه زیانى ملیۆنان دۆلاریان پێدهگات”.
فازل غهراوى ئاماژهى بهوهشكردووه، “پچڕانى ئینتهرنێت مافى بهكاربهر پێشێلدهكات، بۆیه پێویسته ههڵبوهشێتهوه و لهبرى ئهوه پشت به سیستمى چاودێریكردن لهڕێگهى كامێراوه بگرێتهبهر”.
