وەزارەتی دارایی هەرێم: رۆژی یەکشەممە مووچەی ئەم توێژانە دابەشدەکەین

SNN

وەزارەتی دارایی و ئابوری هەرێم رایگەیاند، سبەینێ دەست بە دابەشکردنی مووچەی ئەو وەزارەتانە دەکەین کە پارەکانیان هاتووەتە سەر هەژماری بانکی وەزارەت.

ئەمڕۆ شەممە 8ی حوزەیران وەزارەتی دارایی و ئابوری هەرێم راگەیەنراوێکی بڵاوکردەوە و ئاشکرایکرد، لەلایەن وەزارەتی دارایی عێراقەوە بڕی 107 ملیار دینار خراوەتە سەر هەژماری بانکی وەزارەتی دارایی هەرێم.

ئاماژەی بەوەکردووە، رۆژی یەکشەممە 9ی حوزەیران مووچەی مانگی ئایاری خانەنشینانی شارستانی و کەسوکاری شەهیدان و ئەنفالکراوان و خاوەن پێداویستییە تایبەتەکان دابەشدەکرێت.

جەخی لەوە کردووەتەوە، دوای گەیشتنی تەمویلی وەزارەت و دام و دەزگاکانی تر لەلایەن وەزارەتی دارایی حکومەتی فیدراڵەوە، ڕاستەوخۆ خشتەی مووچەی ئەو دام و دەزگایانەش ڕادەگەیەنرێت.