زیاتر لە 300 هەزار کەس لە مەککە دەردەکرێن

SNN

حکومەتی سعودیە زیاتر لە 300 هەزار کەسی لە مەککەی پیرۆز دەرکرد، کە بەنیاز بوون بە شێوەی نایاسایی و بەدەر لە رێکارە فەرمییەکان حەج بکەن.

بە گوێرەی میدیاکانی سعودیە لە چوارچێوەی رێکارەکانی بەڕێوەبردنی حەجی ئەمساڵ، توانراوە زیاتر لە 300 هەزار کەس دەستنیشان بکرێن و لە مەککە دووربخرێنەوە، کە ڤیزە و مۆڵەتی بەشداری لە حەجی ئەمساڵیان نەبووە.

ئەوەش روونکراوەتەوە، کە لە کۆی ئەو کەسانە 153 هەزار و 998 کەسیان بیانی بوون و بە ڤیزەی گەشتیاری روویان لەو وڵاتە کردووە.

هەروەها 171 هەزار و 587 کەسیش هەرچەندە مۆڵەتی نیشتەجێبوونیان لە سعودیە هەبووە، بەڵام دانیشتووی مەککە نەبوون و مۆڵەتی حەجیان نەبووە.

بەگوێرەی ئاماری فه‌رمی وڵاته‌كه‌لە هه‌فته‌ی ڕابردووەوە زیاتر لە ملیۆنێک و 300 هەزار کەس گه‌یشتونه‌ته‌ سعودیه‌ بەمەبەستی ئەنجامدانی حەج.