سلێمانی؛ لە دوو رووداودا 515 دۆنم پوش و پاوان و داری سروشتی سوتان
SNN
لە دوو رووداوی جیاجیادا لە سنووری پارێزگای سلێمانی نزیکەی 515 دۆنم پوش و پاوان سوتاون.
لەو بارەوە بەڕێوەبەرایەتی پۆلیسی دارستان و ژینگەی پارێزگای سلێمانی بڵاویکردەوە: ” لە سنووری گوندی گۆخلانی سەر بە شارەدێی گەرمك بە هۆکاری هەورە بروسکە ئاگرێك کەوتەوە و بووە ھۆی سووتانی زیاتر لە 500 دۆنم پوش و پاوان و داری سروشتی”.
ئاماژەی بەوەشکردووە: “لە سنووری شارۆچکەی چوارتا ئاگرێکی فراوان کەوتەوە و زەرەر و زیانی ئاگرەکە مەزەندە دەکرێت بە سووتانی نزیکەی 15 دۆنم لە پوش و پاوان و داری سروشتی”.
ساڵانە بەتایبەتی لە گەڵ دەستپکردنی وەرزی گەرما بە هۆکاری جیاجیا رووبەرێکی فراوانی پاوان و دارستانەکانی هەرێم دەسوتێن، ئەمە جیا لەوە لە ئەنجامی بۆردومانەکانی تورکیاش بەشێکی زۆری دارستان و لەوەڕگەکانی سنووری هەردوو پارێزگای هەولێر و دهۆک دەسوتێن.
