ئەمڕۆ ئەم شوێنانە مووچەی مانگی پێنج وەردەگرن
SNN
بەگوێرەی خشتەی وەزارەتی دارایی هەرێم، ئەمڕۆ چەند وەزارەت و بەڕێوەبەرایەتییەک مووچەی مانگی پێنج وەردەگرن، کە دوێنێ دووشەممە پارەکانیان تەمویلکرابوو.
ئەمڕۆ سێشەممە 11ی حوزەیران، بەپێی خشتەکەی وەزارەتی دارایی و ئابوریی ئەمڕۆ ئەم شوێنانە مووچە وەردەگرن: (وەزارەتی تەندروستی، کار و کاروباری کۆمەڵایەتی، دارایی و ئابووری، ناوخۆ، ب. گشتی ڕەگەزنامە، دەستەی دەستپاکی، دەستەی وەبەرهێنان، دەستەی ژینگە، دەزگای مین، ناوچەکانی دەرەوەی هەرێم، دیوانی چاودێری دارایی مافی مرۆڤ).
ئاماژەبەوەکراوە، دابەشكردنی مووچەی مانگی ئایار لە ئەمڕۆوە دەستپێدەکات و بۆ ماوەی سێ رۆژ دەخایەنێت و پێنجشەمە کۆتا رۆژ دەبێت.
هاوکات، وەزارەتی دارایی هەرێم رایگەیاندبوو، خانەنشینی سەربازی لە خشتەی مووچەدا نییە، هۆکارەکەشی بۆ نەگەیشتنی پارەکانیان لەلایەن وەزارەتی دارایی حکومەتی فیدڕاڵەوە گەڕاندەوە.
