45 دۆنمى باخچه‌ى رووه‌كى سلێمانى سووتاوه
دیمه‌نێك له باخچه‌ى رووه‌كى سلێمانى كه سووتاوه | فۆتۆ: SNN
SNN
له‌كۆى 55 دۆنمى سه‌وزكراو له باخچه‌ى رووه‌كى سلێمانى 45 دۆنمى سووتاوه.
به‌ره‌به‌ریانى ئه‌مڕۆ سێشه‌ممه، به‌هۆى هه‌وره بروسكه‌وه ئاگر له باخچه‌ى رووه‌كى شارى سلێمانى به‌ربوو كه یه‌كه‌مین و تاكه باخچه‌ى رووه‌كیه بۆ پاراستنى توخمى سه‌ره‌نى دار له سه‌رتاسه‌رى عێراق، له ساڵى 2012ه‌وه دروستكراوه و ده‌كه‌وێته پاركى هه‌وارى شار له سلێمانى.
دڵشاد عه‌بدوڵا، به‌ڕێوه‌به‌رى باخچه‌ى رووه‌كى سلێمانى به SNNى راگه‌یاند، “كۆى رووبه‌رى باخچه‌كه 241 و 55 دۆنمى سه‌وزكراوه، له ئه‌نجامى ئاگره‌كه 45 دۆنمى سووتاوه، سه‌ره‌راى ئه‌و ئاگربڕه‌ى كه بۆى كراوه. زیانه مادییه‌كانیشى نزیك ده‌بێته‌وه 100 ملیۆن دینار”.
