“وه‌زیرى ده‌ره‌وه‌ى ئێران به وه‌كاله‌ت سه‌ردانى هه‌ولێر و به‌غدا و سلێمانى ده‌كات”
عه‌لى باقر كرنى، وه‌زیرى ده‌ره‌وه‌ى ئێران به وه‌كاله‌ت | فۆتۆ: Lisa Leutner/Reuters
SNN
ئه‌مڕۆ وه‌زیرى ده‌ره‌وه‌ى ئێران به وه‌كاله‌ت ده‌گاته به‌غدا و بڕیاره له‌گه‌ڵ به‌رپرسانى هه‌رێم و عێراق كۆبێته‌وه و سبه‌ى هه‌ینیش سه‌ردانى هه‌ولێر و سلێمانى ده‌كات.
رۆژنامه‌ى (العربی الجدید) به‌یانى ئه‌مڕۆ پێنجشه‌ممه 13ى حوزه‌یران بڵاویكرده‌وه، “عه‌لى باقر كنى وه‌زیرى ده‌ره‌وه‌ى ئێران به وه‌كاله‌ت ده‌گاته به‌غدا. سەردانەكە تایبەت دەبێت بە كۆمەڵێك دۆسیە، لەوانە كۆنتڕۆڵكردنی سنوورەكان و دۆسیەی رێككەوتنی ئەمنی نێوان بەغدا و تاران كە تایبەتە بەدورخستنەوەی ئۆپۆزسیۆنی ئێران لەو ناوچە سنوورییه‌كانى هه‌رێمى كوردستان”.
بڕیاره وه‌زیرى ده‌ره‌وه‌ى ئێران لەسەردانەكەیدا بۆ بەغدا چاویبكەوێت بە سێ سەرۆكایەتیەكەی عێراق، سەرۆكی ئەنجومەنی دادوەری و راوێژكاری ئاسایشی نەتەوەیی و كۆمەڵێك كەسایەتی تر. هاوكات رۆژی هەینیش سەردانی هەرێمی كوردستان دەكات و لەگەڵ بەرپرسانی هەرێم كۆدەبێتەوە.
له‌باره‌ى سه‌ردانه‌كه‌ى وه‌زیرى ده‌ره‌وه‌ى ئێران به وه‌كاله‌ت بۆ عێراق و هه‌رێمى كوردستان، نازم دەباغ، نوێنەری حكومەتی هەرێمی كوردستان لە ئێران رایگەیاند، “وەزیری دەرەوەی ئێران بە وەكالەت، سەردانی هەولێر دەكات دواتر دەچێتە سلێمانی”.
وتیشى: “ئامانجی سەردانەكەی عه‌لى باقر كنى بە پلەی سەرەكی بۆ بەدواداچونی دۆسیەی هاوبەشەكانی نێوان بەغدادو تارانە”.
