ئیسرائیل هێرشەکانی بۆ سەر غەز*زە راگرت

SNN-
ئەمرۆ یەکشەممە لە یەکەم رۆژی جەژنی قورباندا سوپای ئیسرائیل رایگەیاند، هێرشەکانیان بۆ سەر باشوری کەرتی غە*ززە رادەگرن لە کاتژمیر 8:00ی بەیانییەوە بۆ 7:00ی ئێوارە.

سوپای ئیسرائیل رایگەیاندووە کە بۆ ماوەی کاتی “ئۆپەراسیۆنە سەربازییەکان”ی لە باشووری غەززە ڕادەگرێت بۆ ئەوەی ڕێگە بە گەیاندنی هاوکارییە مرۆییەکان بدات.

نەتەوە یەکگرتووەکان دەڵێت نزیکەی یەک ملیۆن فەلەستینی پەنایان بۆ ئەم شارە بردووە.

بەڵام سەرەڕای ڕاگەیاندنی ئاگربەستی کاتی لە باشووری غەززە بۆ ماوەی کاتی، ئیسرائیل هێرشەکانی بۆ سەر ناوەڕاست و باشووری کەرتی غەززە دەستپێکرد. بەگوێرەی میدیا ناوخۆییەکان، سەرلەبەیانی ڕۆژی یەکشەممە، تۆپخانەکانی ئیسرائیل کەمپی نۆسیراتیان لە ناوەندی غەززە کردە ئامانج.

هەروەها سوپای ئیسرائیل ناوی هەشت سەربازیشی بڵاوکردەوە کە بەهۆی هێرشە مووشەکییەکانی حەماسەوە کوژراون.

کاربەدەستانی تەندروستی بزووتنەوەی حەماس دەڵێن لە سەرەتای شەڕەوە تا ئێستا زیاتر لە 37 هەزار فەلەستینی کوژراون و سەدان هەزاری دیکەش بریندار بوون یان ئاوارە بوون.