په‌یامێك له باڵیۆزى ئه‌مریكاوه له عێراق
ئه‌لینا رۆمه‌ناوسكى، باڵیۆزى ئه‌مریكا له عێراق | فۆتۆ: وه‌زاره‌تى ده‌ره‌وه‌ى ئه‌مریكا
SNN
باڵیۆزى ئه‌مریكا له عێراق پێشوازى له بڕیاره‌كه‌ى وه‌زاره‌تى ده‌ره‌وه‌ى وڵاته كرد كه به‌یانى ئه‌مڕۆ گروپى چه‌كدارى بزووتنه‌وه‌ى ئه‌نسارولئه‌وفیاى خسته لیستى تیرۆره‌وه و وتى: بڕیاره‌كه‌ى ئه‌مڕۆى وه‌زاره‌تى ده‌ره‌وه‌ى ئه‌مریكا بۆ رووبه‌ڕووبوونه‌وه‌ى كاریگه‌رییه خراپه‌كانى ئێران له عێراق گرنگه.
ئه‌مڕۆ سێشه‌ممه 18ى حوزه‌یران، وه‌زاره‌تى ده‌ره‌وه‌ى ئه‌مریكا له به‌یاننامه‌یه‌كدا رایگه‌یاند، “بڕیارماندا حه‌یده‌ر غه‌راوى، ئه‌میندارى بزووتنه‌وه‌ى ئه‌نسارولئه‌وفیا و گروپه‌كه‌ى بخه‌ینه لیستى ت*یرۆره‌وه، به‌هۆى ئه‌وه‌ى تێوه‌گلاون له هێرشكردنه‌سه‌ر هێزه‌كانى هاوپه‌یمانان له عێراق”.
ئه‌لینا رۆمه‌ناوسكى، باڵیۆزى ئه‌مریكا له عێراق له‌باره‌ى بڕیاره‌كه‌وه له هه‌ژمارى تایبه‌تى خۆى له تۆڕى كۆمه‌ڵایه‌تى ئێكس نووسیویه‌تى، “بڕیاره‌كه‌ى وه‌زاره‌تى ده‌ره‌وه پابه‌ندبوونى ئه‌مریكا به رووبه‌ڕووبوونه‌وه‌ى كاریگه‌ریی خراپه‌كانى ئێران و هه‌ڕه‌شه‌ى میلیشیاكانى سه‌ربه ئێران دووپاتده‌كاته‌وه”.
إن تصنيف وزارة الخارجية الأمريكية اليوم لحركة أنصار الله الأوفياء وقائدها منظمة إرهابية يؤكد من جديد التزام الولايات المتحدة بمواجهة النفوذ الخبيث لإيران والتهديدات التي تشكلها الميليشيات التابعة لإيران.https://t.co/8uYBx03su2 https://t.co/vmUjgHmE8X
— Ambassador Alina L. Romanowski (@USAmbIraq) June 18, 2024
