سودانی: ژمارەی دانیشتوانی بەغداد هەشت ملیۆن كەسی تێپەڕاندووە

سەرۆکوەزیرانی عێراق رایگەیاند، ژمارەی دانیشتووانی بەغداد هەشتملیۆن كەسی تێپەڕاندووە، ئەوەش فشاری بۆ خزمەتگوزارییەكان دروستكردووە و پێویستە كەرتی خزمەتگوزاری لە شارەكەدا زیاتر گەشەی پێبدرێت.

محەمەد شیاع سودانی، سەرۆک وەزیرانی عێراق لە كۆبوونەوەیەكدا لەگەڵ ژووری ئۆپراسیۆنەكانی بەغداد رایگەیاند، گرنگە كەرتی خزمەتگوزاری لە شاری بەغداد گەشەی زیاتری پێبدرێت بە جۆرێك لەگەڵ گەشەی دانیشتوانی شارەكە بگونجێت كە لەئێستادا 8 ملیۆن كەسی تێپەڕاندووە.

سەرۆکوەزیرانی عێراق دەشڵێت:”زۆریی ژمارەی دانیشتوانی بەغداد فشار و ئاستەنگی لەبەردەم خزمەتگوزارییەكان دروستكردووە، بۆیە دەبێت خزمەتگوزارییەكان فراوانبكرێن و هاوسەنگ بكرێن لەگەڵ پێداویستییەكاندا”.